Шығыс Қазақстан облыстық зағиптар мен көзі нашар көретін азаматтардың арнаулы кітапханасы

«SHYGYS BOOK FEST» кітап фестивалінің ортасында кітапхана қызметкерлері мен «ҚЗҚ» ҚБ және «Самғау» МДО мүшелері басты сахнада мүмкіндігі шектеулі жандардың қатысуымен «Шекарасыз шығармашылық» атты қызықты концерттік бағдарлама ұсынды. Олар өздерінің шеберліктерін көрсетіп, әуезді әндерімен халықты бір серпілтіп тастады!

Фото

Кітапхана алаңында «Шексіз мүмкіндіктер әлемі» атты қолданбалы шығармашылық көрмесі ұйымдастырылды. Мұнда біздің ерекше оқырмандарымыздың бірегей еңбектері ұсынылды, олардың әрбір бұйымы ерекше ықыласпен жасалған.

Қала тұрғындары мен қонақтарының назарына кітапханада бедерлі-нүктелі қаріппен шығарған «Шабыттың алты нүктесі» атты «ерекше» әдебиетке шолу ұсынылды. Луи Брайль әліпбиін білмей «ерекше» әдебиетті оқу мүмкін емес. Барлық тілек білдірушілер үшін «Маған оқуды үйретіңіз» атты шеберлік сағаты көрсетілді. Шеберлік сағатында қатысушылар ерекше жазуға үлкен қызығушылық танытты. Олар зағиптарға арналған әліппемен ешқашан бетпе-бет келген емес, бедерлі нүктелері бар кітаптарды ешқашан көрген емес.

Кітап фестивалі аясында біздің алаңда балалар секторында «Кітаптағы білім күші» атты кітап көрмесі ұйымдастырылды. Балаларға тактильді кітаптар ерекше қызығушылық тудырды. Қатысушыларға көздерін жабық күйінде ойнайтын ойындар ұсынылды: затты сипап тану, болжау және әңгімелеу.