Құрметті пайдаланушы!
Сіздерді Өскемен қаласының зағип және көзі нашар көретін азаматтарға арналған Шығыс Қазақстан облыстық арнайы кітапханасының сайтында қарсы алғанымызға қуаныштымыз.
Біздің кітапханамыздың негізгі қызметі – пайдаланушыларға қызмет көрсету және ақпаратқа қол жеткізу.
Ақпараттық сайттың арқасында кітапханамыз оқырманға жақынырақ болады деп сенеміз.
«Зимние сказки для любознательных книгочеев»

26 қаңтар күні сағат 11.00 - де арнаулы кітапханада «Үлбі» оңалту орталығының тәрбиеленушілері үшін «Кітапты жақсы көретін балаларға арналған қысқы ертегілер» атты библиоертегі шарасы өтті. Балалар ертегі әлеміне қызықты саяхатқа аттанды. Қыс ханымы балаларға сүйікті «Шалқан» ертегісінің қойылымын ұсынды.




Көзі нашар көретін балаларға арналған №14 мектеп-балабақша кешенінің бүлдіршіндері «сиқырлы» дойбыны өте жақсы көреді. Дойбымен қатар арнайы кітапхана қызметкерлері жанды әуеннің сүйемелдеуімен көңілді ойындар дайындады. 
«Кең шеңбер» қала мұражайларымен ынтымақтастық жобасы аясында Шығыс Қазақстан облыстық сәулет-этнографиялық және табиғи-ландшафтық мұражай-қорықтың қор коллекциясынан «Бірегей заттар» көрмесі арнаулы кітапханада ұйымдастырылды.
Зағип оқырмандарға арналған «арнайы» бедерлі нүктелі қаріппен жазудың келесі сабағы әскери тақырыпқа арналды. Қасым Қайсеновтың «Таңдаулылар» кітабы Брайльдің тыныс белгілері мен әріптердін үйренуге арналған оқу материалы болды.



